【☯️🌿中醫小知識－熱氣就要飲涼茶？】
咩叫做熱氣？🔥 一般人覺得，生暗瘡、嘴唇紅、生痱滋、口乾、面紅等等，就係屬於大家所講嘅「熱氣」😳 社會一般認為，只要「熱氣」，就應該去街邊涼茶。飲返杯廿四味、夏桑菊，就乜事都冇 🤷🏻♂️ 但事實係邊有咁簡單？🤔 熱，都有分實熱同虛熱。所謂實熱，就係因為進食過多辛辣厚味、煎炸肥膩等等，而令身體有過餘嘅陽熱之氣。呢個時候，服用一啲偏涼偏寒嘅藥材，都可能有幫助。但坊間涼茶舖嘅涼茶成份不明，大家都唔知入面放咗啲咩藥材，而且如果本身脾胃虛弱，誤服上述藥材，係會有機會令情況更差！🤦🏻♂️🤦🏻♂️ 而所謂虛熱，可能就係因為捱夜，又或者係處於更年期等嘅因素，而令自身陰氣受損，令身體有過餘嘅陽氣。但值得留意嘅係，呢部分嘅陽氣係屬於身體本身嘅陽氣，如果誤服寒涼藥材，就會有機會損害到陽氣，令到陰陽兩虛！😨 總而言之，涼茶係絕對唔可以亂飲！如果有任何症狀，大家盡快向註冊中醫師查詢 ☺️✍🏻 ———————————————————— 明辯論醫 － 全港中學生中醫藥辯論比賽 全仁中醫 主辦 ☯️🌿 專業溝通協會 協辦 🗣️💬 中醫藥發展基金 資助 💪🏻 比賽截止報名日期：2023 年 11 月 30 日（星期四）下午 6 時正前 報名方法：填妥 Google Form 報名表格（二維碼以及連結可參見海報或章程） 如有疑問，請致電 +852 5266 2728，或電郵至 cmed.debatecup@gmail.com 向比賽籌委陳小姐查詢。 ———————————————————— Facebook page: 明辯論醫 — 全港中學生中醫藥辯論比賽 Instagram: @cmed.debatecup YouTube Channel: 明辯論醫 — 全港中學生中醫藥辯論比賽 Email: cmed.debtecup@gmail.com … Read More
